GOFAL BABANOD
Mae mwy a mwy o rieni yn dod yn ymwybodol am faterion yr amgylchedd a'r holl gemegau sy'n bodoli mewn cynnyrch babi. Mae croen babi 5 gwaith mwy tenau a thyner na chroen oedolyn, ac felly yn medru amsugno beth i ni fel rhieni yn rhoi arno. A wyddoch bod 60% o gynnyrch sy'n cael ei ddefnyddio ar groen babi yn cael ei amsugno i'w corff? Peidiwch a chredu bod cynnyrch babi yn bûr os ydyw'r label yn dweud hynny. Chwiliwch y label i weld os ydyw'n cynnwys llawer o gemegion.
1. Cynhwysion Cemegol
Sodium Lauryl Sulphate (SLS)
Glanedydd sy'n gynwysedig fel cyfrwng ewynnog. Fe ddewch o hyd iddo mewn siampŵ, sebon, pastdannedd, pwdwr golchi, cynnyrch glanhau. Mae llawer o ddeilliadau o SLS - SLES, DEA, TEA. Mae eu effeithiau yn debyg.
Parabens
Grŵp o gemegau a ddefnyddir fel cadwolion ym mhethau ymolchi. Defnyddir hefyd fel ychwanegion at fwyd.
Ammonium Laureth Sulphate
Glanhedydd a ddeillir o blanhigion neu ffynonellau anifeiliaid, ddim mor wenwynig a SLS.
Urea
Defnyddir fel cadwolyn.
Phthalates
Cemegau a ddefnyddir fel toddyddion ac i gyfoethogi persawr. Cynhwysir hefyd mewn paent a phlaladdwyr! Mae'r ddeddfwriaeth gyfredol yn dweud bod dim rhaid i wneuthurwyr ddatgan bod phthalates yn bresennol yn eu cynhyrchion persawr neu peidio.
Persawr synthetic
Mae persawr synthetic yn gallu cynnwys lan i 1,000 o gynhwysion cemegol.
Triclosan
Defnyddir fel cyfrwng gwrthfacteria.
Petrochemicals
Yn cynnwys ‘ propylene glycol' sy'n gyfrwng gwlychu. Defnyddir mewn golchdrwythau ac hefyd mewn hylif gwrthrewydd!
2. Cynhwysion Naturiol
Cnau coco
Helpu i gadw'r croen yn llaith. Helpu i atal heintiau bacteriol, ffiraol a ffwngaidd.
Olew olewydd
Mae'n esmwytho, lliniaru ac yn cryfhau'r croen yn naturiol.
Cŵyr gwenyn
Mae'n hydradu'r croen ac yn gweithredu fel cadwolyn naturiol.
Rhuddos / gold mair
Yn helpu wella llidiau, yn wych ar gyfer esmwytho a gwella briwiau, cleisiau a phoenau eraill sy'n ymwneud â'r croen. Mae'n wrthocsidydd cryf ac yn wrthfacterol.
Llysiau'r cwlwm
Perlysiau iachol a ddefnyddir ar gyfer gwella clwyfau, doluriau, llosgiadau a meinweoedd wedi chwyddo. Mae'n lleithio ac yn esmwytho.
Aloe vera
Mae'n wrthlidiol ac yn hysbys fel iachawr clwyfau.
Tea Tree
Antiseptig, germladdwr, gwrthfacterol ac yn ffwngleiddiad.
Lafant
Antiseptig ac yn gallu gwella poen. Yn hepu i ymlacio.
Rhosmari
Perlysieuyn adfywiol sy'n cael ei ddefnyddio fel diheintydd, tonic a phoenleddfwr ysgafn.
Cywarch
Yn gyfoethog yn omega 3 a 6 ac yn amsugno'n syth i'r croen gyda llawer o fanteision.
Camomil
Yn help i ymlacio ac yn olew sy'n esmwytho a gwella briwiau.
3. Toddiannau sychydd golchadwy
Gallwch ddefnyddio nifer o doddiannau gyda'ch sychyddion golchadwy, ond dŵr plaen sydd orau i fabanod newydd-anedig, gan fod eu croen yn arbennig o sensitif. Fel arall, ceisiwch un o'r toddiannau isod (fel gyda unrhyw gynnyrch babi newydd, gwnewch brawf patch yn gyntaf). Am nad oes cynhwysion preserfol yn y toddiannau, dylech newid bob ychydig ddyddiau. Os rydych yn golchu'r sychyddion gyda'ch cewynnau, gwnewch yn siwr bod y toddiannau ddim yn mynd i amharu ar y cewynnau trwy siecio gyda'r cwmni cewynnau yn gyntaf.
Toddiant syml
Toddiant Camomile (gwych ar gyfer penolau tost)
Toddiant Lafant / Tea Tree
Mae tair ffordd i ddefnyddio'r toddiannau a gallwch arbrofi i ddarganfod y dull sydd orau gennych:
I arbed eich babi rhag oeri wrth newid, beth am gadw'r toddiant mewn fflasg yn barod i'w ddefnyddio drwy gydal y dydd.