GWASANAETHAU MAMIGREEN

Cyflwyniad Cartref

Os ‘ych chi'n byw tufewn i 10 milltir radiws o Gaerdydd, yna gallwn ddarparu cyflwyniad cewynnau i chi yn eich cartref. Mae'n wasanaeth am ddim, does dim disgwyl i chi brynu dim a does dim angen mynd mas o'r tŷ! Yn ystod yr ymweliad, sydd ran amlaf yn cymryd oddeutu awr a hanner, fe gewch chi deimlo a gweld y cewynnau sydd ar gael gan mamigreen. Bydd unrhyw gyngor gaiff ei roi'n gyngor penodol ar gyfer eich anghenion chi, felly os ‘ych chi'n penderfynu prynu fe allwch fod yn siŵr eich bod wedi dewis y cewyn cywir ar gyfer eich babi, eich ffordd o fyw a'ch pwrs.

Y tu fas i'r ardal hon fe alla' i gynnig ymgynghoriad cynhwysfawr a chymorth dros y ffôn. Neu, os rydych yn byw tuallan i'r dalgylch a hoffech ymweliad cartref - efallai bydd hyn dal yn bosib. Cysylltwch â Rhian i drefnu.

Parti croesawu babi

Mae paratoi ar gyfer genedigaeth eich babi yn gyfnod hapus a phleserus a dyma pam y gall parti croesawu babi fod yn hwyl ac yn gyfle i ddathlu. Os ‘ych chi â diddordeb mewn cael cyflwyniad cewynnau'n rhad ac am ddim yn eich cartref ac yn meddwl y buasai gan rhai o'ch ffrindiau ddiddordeb hefyd, byddai'n gyfle gwych i chi fel  gwesteiwr gan y byddech yn derbyn gostyngiad o 5% ar bris cewynnau clwt y byddech yn ei brynu. Hefyd, os yw'r grŵp yn gwario mwy na £300 byddwch chi hefyd yn derbyn rhodd ar gyfer eich babi. Cysylltwch â Rhian i drefnu.

Nappuchino

Mae mamigreen yn cynnal sesiynau nappuchino yn Café Junior, Caerdydd CF24 4EH Dydd Gwener cyntaf o bob Mis 10.00 - 12.15, ac yn Bambeans, Caerdydd CF5 1JD ar yr ail Ddydd Llun o bob mis 12.30 - 14.30.

Dewch am sgwrs a chyflwyniad cewynnau clwt, neu i brynu cewynnau tafladwy eco a chynnyrch gofal babi organig.  Dyma ffordd grêt  i gwrdd â mamau a menywod beichiog o'r un meddwl dros paned!

Pecyn profi

Os ‘ych chi'n penderfynu defnyddio cewynnau clwt ond yn methu â phenderfynu pa rai i'w cael, yna bydd y gwasanaeth hwn yr union beth i chi. Fe gewch ddewis hyd at 3 math gwahanol o gewyn ac 1 math o lapiwr PUL gwyn. Byddwn yn eu gyrru nhw'n lân a ffres atoch chi, ynghyd â chlytiau sychu golchadwy, leinin ffîs a llond llaw o leinins tafladwy am ddim. Rydych hefyd yn gallu llogi peli eco yn y pecyn profi. Mae'r cyfnod prawf yn para hyd at bythefnos. Er na fydd y cewynnau a'r lapiwr yn newydd, byddant mewn cyflwr da ac yn hollol hylan. Cysylltwch â Rhian i drefnu.

Mae costau'r gwasanaeth hwn yn cynnwys:

• ffi weinyddol sefydlog o £5.00
• cost llogi o £1.50 yr eitem am y bythefnos
• blaendal o £50.00 fydd yn cael ei dalu'n ôl i chi pan fyddwch yn dychwelyd y pecyn
• £2.99 post ail ddosbarth y Post Brenhinol

Pan fyddwch yn dychwelyd y pecyn, bydd y blaendal yn cael ei dalu'n ôl i chi, llai'r ffi weinyddol a'r costau llogi. Fe allwn godi cost ychwanegol os oes difrod i'r cewynnau neu os yw'r  pecyn yn cael ei ddychwelyd yn hwyr.

CYNNIG ARBENNIG

Os, ar ddiwedd y cyfnod prawf, r'ych chi'n penderfynu archebu cewynnau gan mamigreen, byddaf yn ad-dalu'r gost llogi o gost eich archeb gyntaf. Felly at ei gilydd fe all y pecyn profi gostio dim mwy na £5 a thaliadau'r post. Darllenwch y termau ac amodau.

Pecyn prawf / cychwynnol

Os na fedrwch penderfynu pa cewynnau i'w cael a nid ydych yn ffansio'r opsiwn pecyn profi - allwch brynu pecyn prawf / cychwynnol gan arbed  5% ar y cewynnau / lapiwr o'i gymharu â'r gost iawn arferol. Gallwch ddewis 1, 2 neu 3 o gewynnau gwahanol ac unrhyw lapiwr PUL gwyn.  Mae'r pecyn yn cynnwys leinins papur am ddim. Darllenwch y termau ac amodau. Cysylltwch â Rhian i archebu.

Cyngor a chymorth 

Mae mamigreen yn cynnig cyngor a chefnogaeth drwy'r amser ar  gewynnau clwt a hynny am ba bynnag hyd y mae ei angen arnoch chi. Bydd cychwyn defnyddio cewynnau clwt pan ‘ych chi'n barod i'w defnyddio'n ei gwneud hi'n fwy tebygol y byddwch chi'n llwyddo ‘da nhw. Os oes problemau i'w cael wrth ddefnyddio'r cewynnau, yn ystod yr wythnosau cyntaf bydd y rheiny fel arfer. Cysylltwch â mi dros y ffôn neu drwy e-bost a byddaf yn barod bob amser i'ch helpu. 

Gwasanaeth Lapio Anrhegion

Rwyf fi'n cynnig gwasanaeth lapio anrhegion lle byddwn yn lapio eich archeb yn foethus ar gyfer eich achlysur arbennig. Cysylltwch â mamigreen i drefnu.